Chtiland vous présente ses meilleurs vœux pour cette nouvelle année 2024 !

Eune tchiote cabane in planques

eune tchiote cabane in planques

dins ch'gardin sous chés branques

sur l'porte au milieu bin déssiné

…un tro in forme ed'coeur décopé

quand te t'approches t'indinds

des tas ed'mouques boudonner

cha dot ête l'odeur du brin

qui suremint les ara attirées

quand t'eufe l'porte te vos

acrrochés à ch'mur sur un clo

des morcieaux ed'journal

copés tertous à l'même talle

cha fait passer l'temps ed'lire

chés artiques qu'in a déjà lus

ch'est après qu' in va s'in servir

pour s'essuyer, ch'est pas perdu

quand y fait bon qu'ch'est l'été

in a pas ed'problème pour y aller

mais quand y gèle, dins l'frodure

t'as du mal à inlever t'cheinture

t'y vas vraimint par nécessité

pasque te préfèreros t'in passer

mais cha ch'est comme décéder

quand faut y aller faut y aller

846

Saisissez votre commentaire
(Tous les commentaires sont validés avant parution.) :
 

Si cet article vous a été utile ou simplement si vous appréciez ce site, n'hésitez pas à me soutenir via Paypal ou en utilisant la bannière Amazon1) ci-dessous pour vos futurs achats, ça ne vous coûtera pas plus cher et ça soutiendra un peu ce site ;-)


1)
Ou ajoutez ce lien https://gou.re/amazon vers Amazon dans vos favoris ;-)
  • de fabrice